शाइन रेसुङ्गाको संस्थापक सेयर साधारणमा रूपान्तरण

लगानी खबर, काठमाडौं – शाइन रेसुङ्गा डेभलपमेन्ट बैंक लिमिटेडकाे संस्थापक सेयर साधारण सेयरमा परिणत भएको छ ।  

स्टकका अनुसार बैंकको १३ लाख १२ हजार ५ सय ४९ कित्ता संस्थापक सेयर साधारण सेयरमा परिणत गरिएको हो ।  याे सँगै अब बैंकको संस्थापक र साधारण सेयरको संरचना ५१:४९ को अनुपात कायम भएको छ ।  

बैंकले चालु आर्थिक वर्षको तेस्रो त्रैमासम्ममा ४४ करोड ८३ लाख रुपैयाँ खुद नाफा कमाएको छ । ३ अर्ब ४० करोड चुक्ता पूँजी रहेको बैंकको प्रतिसेयर आम्दानी १७ रुपैयाँ र प्रतिसेयर नेटवर्थ १३८ रुपैयाँ रहेकाे छ ।