प्रभु सेलेक्ट फण्डमा लगानीकर्ताको आकर्षण : २ दिनमै मागभन्दा बढी आवेदन

लगानी खबर, काठमाडाैँ - प्रभु क्यापिटल लिमिटेडले जेठ ५ गते, बुधबारदेखि बिक्रीमा ल्याएको 'प्रभु सेलेक्ट फण्ड' नामक सामुहिक लगानी कोषमा लगानीकर्ताकाे आकर्षण बढ्दाे छ ।

२ दिनमा नै कुल इकाईको १०४ प्रतिशत इकाईका लागि आवेदन परिसकेको क्यापिटलले जनाएको छ । बिहिबार साँझसम्ममा ४० हजार ५ सय १२ जना आवेदकले १ अर्ब ४ करोड ८८ लाख रुपैयाँ बराबरको १० करोड ४ लाख ८८ हजार ईकाइका लागि आवेदन दिएका हुन् ।

क्यापिटलले १ अर्ब रकम बराबरको १० करोड इकाईहरु निष्कासन गरेकाे हाे । जसमध्ये १ करोड ५० लाख इकाई कोष प्रवर्द्धक प्रभु बैंक र प्रभु क्यापिटलले कोषको ट्रष्टि एवं व्यवस्थापकको रुपमा खरिद गर्नेछन् भने बाँकी ८ करोड ५० लाख इकाई सर्वसाधारण तथा संस्थागत लगानीकर्ताहरुलाई छुट्याइएकाे छ । ७ वर्षे अवधि रहेको यो सामुहिक लगानी योजना बन्दमुखी योजना हो ।

लगानीकर्ताले यस फण्डमा छिटोमा ९ गते र र ढिलोमा जेठ १५ गतेसम्म न्युनतम १ सय इकाईदेखि अधिकतम ८ करोड ५० लाख इकाईको लागि आवेदन दिन सक्नेछन् । 

याे पनि :