प्रभु सेलेक्ट फण्ड : पहिलो दिनमा ४१ करोडको आवेदन

लगानी खबर, काठमाडौँ - प्रभु क्यापिटल लिमिटेडले आज (जेठ ५ गते, बुधबार) देखि बिक्रीमा ल्याएको 'प्रभु सेलेक्ट फण्ड' नामक सामुहिक लगानी कोषमा पहिलो दिनमा नै उत्साहप्रद रुपमा आवेदन परेको छ ।

पहिलो दिनमा नै कुल इकाईको ४१.२६ प्रतिशत इकाईका लागि आवेदन परिसकेको क्यापिटलले जनाएको छ । पहिलो दिन १८ हजार १ सय ८६ जना आवेदकले ४१ करोड २६ लाख ८३ हजार ४ सय रूपैयाँ बराबरकाे ४ करोड १२ लाख ६८ हजार ३ सय ४० इकाईको लागि आवेदन दिएका हुन् ।

क्यापिटलले १ अर्ब रकम बराबरको १० करोड इकाईहरु निष्कासन गरेकाे हाे । जसमध्ये १ करोड ५० लाख इकाई कोष प्रवर्द्धक प्रभु बैंक र प्रभु क्यापिटलले कोषको ट्रष्टि एवं व्यवस्थापकको रुपमा खरिद गर्नेछन् भने बाँकी ८ करोड ५० लाख इकाई सर्वसाधारण तथा संस्थागत लगानीकर्ताहरुलाई छुट्याइएकाे छ । ७ वर्षे अवधि रहेको यो सामुहिक लगानी योजना बन्दमुखी योजना हो ।

लगानीकर्ताले यस फण्डमा छिटोमा ९ गते र र ढिलोमा जेठ १५ गतेसम्म न्युनतम १ सय इकाईदेखि अधिकतम ८ करोड ५० लाख इकाईको लागि आवेदन दिन सक्नेछन् ।