सेयर बजारले चुम्याे नयाँ इतिहास, लगानीकर्ता उत्साहित

लगानी खबर, काठमाडौँ - साताकाे पहिलाे काराेबार दिन आज (आइतबार) नेपाली सेयर बजारले नयाँ इतिहास कायम गरेकाे छ । यसअघि वैशाख २ गते २७३५.४ विन्दुमा पुगी अलटाइम हाइ रेकर्ड बनाएकाेमा नेप्सेले आज साेही विन्दुलाई ताेडेर नयाँ रेकर्ड बनाएकाे हाे । आइतबार सेयर बजार २७३८.२९ विन्दुमा पुगेकाे छ । याे बन्द हुँदाकाे हालसम्म कै उच्च विन्दु हाे । 

नेप्से सूचकका साथसाथै काराेबार रकममा पनि उछाल देखिएकाे छ । सेयर बजारमा सकारात्मक माहाेल देखिँदा लगानीकर्ताहरू पनि आकर्षित छन् ।

नेपाल स्टक एक्सचेञ्जका अनुसार आज (आइतबार) सेयर कारोबार मापक नेप्से परिसूचक ५४.२१ अंकले बढेर २७३८.२९ मा पुगेकाे छ । नेप्से २.०२ प्रतिशतले बढेकाे हो । यस्तै सेन्सेटिभ परिसूचक ८.६४ अंकले बढेर ४८८.१४ मा पुगेको छ ।

कूल २१४ वटा कम्पनीकाे २ कराेड १३ लाख २८ हजार ८ सय ८२ कित्ता सेयर खरिदबिक्री हुँदा १० अर्ब ४० करोड ३८ लाख ७९ हजार रूपैयाँको कारोबार भएकाे नेप्सेले जनाएकाे छ ।

स्टकका अनुसार कारोबार भएका कूल १३ उपसमूहमध्ये आज सबै उपसमूहकाे सेयर बढेकाे छ । 

त्यसैगरी, आइतबार रूरू जलविद्युत कम्पनी लिमिटेडकाे सेयरमूल्यमा सकारात्मक सर्किट लागेको छ । काराेबार रकमकाे आधारमा नेपाल पूनर्बीमा कम्पनी लिमिटेडले अग्रता कायम गरेकाे छ । यस दिन युनियन हाइड्राेपावरका लगानीकर्ताले सबैभन्दा धेरै गुमाएका छन् ।

हेराैं आजकाे सेयर तालिका :