ज्योति लाइफले गर्यो बोनस दर निर्धारण

लगानीखबर काठमाडौं, ज्योति लाइफ इन्स्योरेन्स कम्पनीले २०७६ साल असार मसान्तसम्ममा जारी भएका मुनाफामा सरिक हुने बीमालेखहरुको बोनस दर निर्धारण गरेको छ ।
कम्पनीले ३ प्रकारका बीमालेख योजनाहरू सावधिक, सावधिक तथा आजीवन र अग्रीम भुक्तानीका लागि प्रति हजार ४३ रुपैयाँदेखि ७५ रुपैयाँसम्मको बोनस  दर निर्धारण गरेको हो। 
कायम गरिएको बोनस दर कम्पनीले भुक्तानी गर्ने बीमालेख अनुसारको दाबीहरुमा तथा चालु बीमालेखहरुमा लागु हुनेछ । साथै, अर्को बीमाङ्कीय प्रतिवेदन अनुसार बीमा समितिबाट अर्को व्यवस्था नभएसम्म सोही अनुसारको बोनस दर कायम गरिने पनि कम्पनीले जानकारी गराएको छ ।