झिनाे अंकले बढ्यो सेयर बजार, एक दर्जन कम्पनीको सेयर सकारात्मक सर्किट लेभलमा कारोबार

लगानी खबर, काठमाडौँ - आज (बुधबार) सेयर बजारमा झिनाे अंकले बढेकाे छ ।

नेपाल स्टक एक्सचेञ्जका अनुसार आज (बुधबार) सेयर कारोबार मापक नेप्से परिसूचक ०.५४ अंकले बढेर २६७३.८८ मा पुगेकाे छ । नेप्से ०.०२ प्रतिशतले बढेकाे हो । यस्तै सेन्सेटिभ परिसूचक ०.१४ अंकले बढेर ४७८.३८ मा पुगेको छ ।

कूल २१५ वटा कम्पनीकाे एक कराेड ४८ लाख ५४ हजार ४ सय २२ कित्ता सेयर खरिदबिक्री हुँदा ५ अर्ब ३२ करोड ६० लाख ५२ हजार ८ सय १ रूपैयाँ बराबरको कारोबार भएकाे नेप्सेले जनाएकाे छ ।

स्टकका अनुसार कारोबार भएका कूल १३ उपसमूहमध्ये आज ७ वटा उपसमूहकाे सेयर बढेकाे छ भने बाँकी ६ वटा उपसमूहकाे सेयर घटेकाे छ । 

त्यसैगरी, बुधबार ३ वटा कम्पनीकाे सेयरमा सकारात्मक सर्किट लागेकाे छ भने बाँकी ९ वटा कम्पनीकाे सेयर सर्किट लेभलमा काराेबार भएकाे छ ।नारायणी डेभलपमेन्ट बैंक लिमिटेड, आँखुखाेला जलविद्युत र बाेटलर्स नेपाल (तराइ) काे सेयरमूल्य १० प्रतिशतले बढेको हो ।

यसका साथै,  विशाल बजार कम्पनी, रूरू जलविद्युत परियाेजना, समता घरेलु लघुवित्त, युनियन हाइड्राेपावर, खानीखाेला हाइड्राेपावर, दिव्यश्वरी हाइड्राेपावर, एनआरएन इन्फ्रास्ट्रक्चर, जाेशी हाइड्रोपावर र युनिलिभर नेपालकाे सेयर पनि सकारात्मक सर्किट लेभलमा काराेबार भएकाे हाे ।

हेराैं आजकाे सेयर तालिका :