नेशनल लाईफ इन्स्योरेन्सको नाफा ३२ करोडभन्दा बढी, ईपिएसमा भने गिरावट

लगानी खबर, काठमाडौं - नेशनल लाईफ इन्स्योरेन्स कम्पनी लिमिटेडले चालु आर्थिक वर्षको तेस्रो त्रैमाससम्मको अपरिष्कृत वित्तीय विवरण सार्वजनिक गरेको छ । 

चालु आर्थिक वर्षको तेस्रो त्रैमाससम्म आइपुग्दा कम्पनीले ३२ करोड २५ लाख रुपैयाँ खुद नाफा कमाएको छ । यो नाफा गत वर्षको सोहि अवधिको तुलनामा २.२० प्रतिशतले धेरै हो । गत वर्षको सोहि अवधिमा कम्पनीले ३१ करोड ५६ लाख रुपैयाँ नाफा कमाएको  थियो ।

चैत मसान्तसम्म कम्पनीले ८ अर्ब ६९ करोड रुपैयाँ खुद बीमा शुल्क आर्जन गरेको छ । यस्तो आम्दानी गत वर्षको सोहि अवधिको तुलनामा ५३.६८ प्रतिशतले धेरै हो । गत वर्ष कम्पनीले ५ अर्ब ६५ करोड रुपैयाँ बीमा शुल्क आर्जन गरेको थियो ।

कम्पनीको जीवन बीमा कोषमा ४० अर्ब २१ करोड रुपैयाँ र महाविपत्ति जगेडामा २९ करोड रुपैयाँ रहेको छ । यस्तै सो अवधिमा कम्पनीले २ अर्ब ८३ करोड रुपैयाँ बराबरको बिमा दावी भुक्तानी गरेको छ । 

हाल कम्पनीको चुक्ता पूँजी ३ अर्ब ३९ करोड रुपैयाँ रहेको छ भने कम्पनीको जगेडा कोषमा ८१ करोड १७ लाख रहेको छ  ।  कम्पनीको वार्षिकृत प्रतिसेयर आम्दानीमा गत बर्षको तुलनामा केहि गिरावट आएको छ  । गत बर्षको यसै अवधिमा कम्पनीको प्रतिसेयर आम्दानी १३ रुपैयाँ ६५ पैसा रहेकोमा अहिले घटेर १२ रुपैयाँ ६८ पैसा पुगेको छ भने कम्पनीको प्रतिसेयर नेटवर्थ १३२ रुपैयाँ ३९ पैसा रहेको छ । 

कम्पनीले सार्वजनिक गरेको चालु आर्थिक वर्षको तेस्रो त्रैमाससम्मको वित्तीय विवरण यसप्रकार छ:-