आज सम्म कायम सेयधनीहरुले मात्र एभरेष्ट इन्स्योरेन्सको लाभांश प्राप्त गर्ने

एभरेष्ट इन्स्योरेन्स लिमिटेडको आज (वैशाख २८ गते, मंगलबार) सम्म कायम सेयरधनीहरुले मात्र साधारणसभामा सहभागिहुन र लाभांश प्राप्त गर्न सक्ने छन् ।

कम्पनीले साधारण सभा तथा लाभांश वितरण प्रयोजनका लागि वैशाख २९ गतेदेखि बुकक्लोज गर्ने निर्णय गरेको छ । त्यसैले, आज (वैशाख २८ गते, मंगलबार) सम्म नेप्सेमा कारोबार भई कायम शेयरधनीहरुले मात्र साधारण सभामा भाग लिन तथा लाभांश प्राप्त गर्न सक्नेछन् ।

कम्पनीको २६ औँ वार्षिक साधारण सभा जेठ १० गते काठमाडौंको हात्तिसारस्थित कम्पनीको केन्द्रिय कार्यलयमा दिउसो २ बजेबाट हुनेछ।

सभामा गत आर्थिक वर्षको मुनाफाबाट कम्पनीका शेयरधनीलाई ८ प्रतिशत बोनस सेयर र कर प्रयोजनका लागि ०.४२ प्रतिशत नगद गरि कूल ८.४२ प्रतिशत लाभांश वितरण गर्ने प्रस्ताव पारित गरिनेछ ।