सगरमाथा इन्स्योरेन्सको नाफा २८ करोड बढी, बीमा शुल्क आम्दानी २८.१५ प्रतिशतले बढ्यो

लगानी खबर, काठमाडौं - सगरमाथा इन्स्योरेन्सले चालु आर्थिक वर्षको तेस्रो त्रैमाससम्मको वित्तीय विवरण सार्वजनिक गरेको छ ।

चालु आर्थिक वर्षको तेस्रो त्रैमाससम्म आइपुग्दा कम्पनीको खुद नाफा ६३.९१ प्रतिशतले बढेर २८ करोड ५४ लाख ६१ हजार रुपैयाँ पुगेको छ  छ । गत वर्षको सोहि अवधिमा  कम्पनीको यस्तो नाफा १७ करोड ४१ लाख ३० हजार रुपैयाँमा सीमित थियो ।

त्यस्तै कम्पनीको खुद बीमाशुल्क पनि २८.१५ प्रतिशतले बढेर २८ करोड ५४ लाख ६१ हजार रुपैयाँ पुगेको छ । गत वर्ष कम्पनीको यस्तो आम्दानी १७ करोड ४१ लाख ३० हजार रुपैयाँ सीमित थियो । सो अवधिसम्म कम्पनीले ८० करोड ६७ लाख रुपैयाँ बराबरको दावी भुक्तानी गरेको छ ।

हाल चुक्ता पूँजी एक अर्ब रहेको कम्पनीको जगेडा कोषमा ४८ करोड ३४ लाख रुपैयाँ रहेको छ । कम्पनीको वार्षिकृत प्रतिसेयर आम्दानी ३८ रुपैयाँ २ पैसा र प्रतिसेयर नेटवर्थ २५६ रुपैयाँ ६३ पैसा छ ।