यी २ लघुवित्तलाई एकिकृत कारोबार गर्न राष्ट्र बैंकको सैद्धान्तिक स्वीकृती

लगानी खबर, काठमाडौँ - नेशनल माइक्रोफाइनान्स लघुवित्त वित्तीय संस्था लिमिटेडले महिला सहयात्रा लघुवित्त वित्तीय संस्था लिमिटेडलाई प्राप्ति गर्नका लागि नेपाल राष्ट्र बैंकबाट सैद्धान्तिक स्वीकृती पाएको छ ।

बैंकले वैशाख १५ गते यी २ संस्थालाई सैद्धान्तिक स्वीकृती प्रदान गरेकाे हाे । अब यी दुवै संस्थाले आ-आफ्नो विशेष साधारण सभाबाट मर्जर तथा प्राप्तिसम्बन्धी प्रस्ताव पारित गरी अन्तिम स्वीकृतीको लागि नेपाल राष्ट्र बैंकमा निवेदन दिएर स्वीकृती पाएपछि एकीकृत काराबोर सुरु गर्न सक्नेछन् । 

यी दुई संस्थाबीच गत माघ ८ गते मर्जर तथा एक्वीजिशन सम्बन्धी सम्झौता भएको थियो ।