मिथिला लघुवित्तको नाफा २३३.८५ प्रतिशतले बढ्यो, ईपीएस कति ?

लगानी खबर, काठमाडौं - मिथिला लघुवित्त वित्तीय संस्थाले चालु आर्थिक वर्षको तेस्रो त्रैमाससम्मको वित्तीय विवरण सार्वजनिक गरेको छ ।  

चालु आर्थिक वर्षको तेस्रोे त्रैमाससम्म आइपुग्दा ५ करोड ११ लाख रुपैयाँ खुद नाफा आर्जन गर्न सफल भएको छ । यो नाफा गत वर्षको भन्दा २३३.८५ प्रतिशतले धेरै हो । गत वर्ष कम्पनीले १ करोड ५३ लाख रुपैयाँ मात्र नाफा कमाएको थियो । 

कम्पनीको खुद ब्याज आम्दानी ६९.०८ प्रतिशतले बढेर ८ करोड ४६ लाख पुगेको छ । गत वर्षको सोहि अवधिमा यस्तो आम्दानी ५ करोड रुपैयाँ सिमित थियो । 

त्यस्तै सो अवधिसम्म आइपुग्दा संस्थाले ६ करोड ६७ लाख सञ्चालन नाफा कमाएको छ । गत वर्षको सोहि अवधिको तुलनामा यस्तो नाफा १८७.८४ प्रतिशतले धेरै हो । गत वर्ष संस्थाको यस्तो नाफा २ करोड ३१ लाख रुपैयाँ सिमित थियो । 
 
हाल संस्थाको चुक्ता पुँजी १२ करोड १७ लाख रुपैयाँ रहेको छ, भने जगेडा कोषमा १३ करोड १७ लाख रुपैयाँ रहेको छ । यस्तै संस्थाको प्रतिसेयर आम्दानी ५६ रुपैयाँ ०६ पैसा र प्रतिसेयर नेटवर्थ २०८ रुपैयाँ २४ पैसा रहेको छ ।