सिईडिबी हाइड्रोपावरको आईपीओमा पहिलो दिनमा कति पर्याे आवेदन ?

लगानी खबर, काठमाडौँ - सिईडिबी हाइड्रोपावर कम्पनी लिमिटेडले साधारण सेयर (आईपीओ) निष्कासन गरेकाे आज पहिलाे दिन रहेकाे छ । 

पहिलाे दिन साँझ ५ बजेसम्ममा ३ लाख ९० हजार १० जना आवेदकले ६५ लाख १३ हजार ९ सय २१ कित्ताका लागि आवेदन दिएका निष्कासन तथा बिक्री प्रबन्धक  सनराइज क्यापिटल लिमिटेडले जानकारी दिएकाे छ । याे सर्वसाधारणका लागि निष्कासन गरिएकाे २३ लाख ४१ हजार ९ सय ५४  कित्ता भन्दा २.७८ गुणा बढी आवेदन हो ।

कम्पनीले आज (वैशाख १७ गते, शुक्रबारदेखि) १०० रुपैयाँ अंकित दरका कूल २५ करोड १८ लाख २३ हजार रुपैयाँ बराबरको २५ लाख १८ हजार २३० कित्ता आईपीओ निष्कासन गरेकाे हाे । जसमध्ये २ प्रतिशतले हुन आउने ५० हजार ३६५ कित्ता सेयर कर्मचारीका लागि, ५ प्रतिशतले हुन आउने १ लाख २५ हजार ९११ कित्ता सेयर सामूहिक लगानी कोषका लागि र बाँकी २३ लाख ४१ हजार ९५४ कित्तामा सर्वसाधारणको लागि छुट्याइएको छ । 

उक्त आईपीओमा लगानीकर्ताहरुले न्यूनतम १० कित्ता र अधिकतममा २५ लाख १८ हजार २३० कित्ताका लागि आवेदन दिन सक्नेछन् ।