नाडेप लघुवित्तको वार्षिक सभा जेठ ७ गते, यस्ता छन् पारित हुने एजेण्डा

लगानी खबर, काठमाडौं - नाडेप लघुवित्त वित्तीय संस्था लिमिटेडले आफ्नो छैटौँ वार्षिक साधारणसभा आह्वान गरेको छ।

संस्थाको गत वैशाख १३ गते बसेको सञ्चालक समितिको बैठकले गरेको निर्णयानुसार उक्त सभा जेठ ७ गते काठमाडौंको नागार्जुनस्थित रानीवन पार्टी प्यालेस एन्ड रेस्टुरेन्टमा भर्चुअल माध्यमबाट बिहान ११ बजेबाट सुरु हुनेछ।

सभामा संचालक समितिको वार्षिक प्रतिवेदन, लेखापरीक्षक प्रतिवेदनसहित नाफा-नोसान हिसाव, नगद प्रवाह विवरण सहित सम्बन्धित अनुसूचीहरुमाथि छलफल गरी पारित गरिनेछ ।

यसका साथै २०७७/७७ को लेखापरीक्षणको लागि लेखापरीक्षकको नियुक्ति गरी निजको पारिश्रमिक पनि निर्धारण गरिनेछ 
त्यसैगरी. संस्थामा संस्थापक र सर्वसाधारणको सेयर स्वामित्व संरचना परिवर्तन गरी ५१:४९ गर्ने विशेष प्रस्ताव पारित  गरिनेछ । हाल संस्थामा संस्थापक र सर्वसाधारणको सेयर स्वामित्व ७०:३० रहेको छ।

गत पुस १६ गतेदेखि नै यो लघुवित्तको सेयर कारोबार रोक्का रहेकोले वार्षिक साधारणसभा सेयर दाखिला खारेज बन्द यथावत हुने कम्पनीले जनाएको छ।