यस साता १२ सयले बढ्यो सुनको मूल्य

लगानी खबर, काठमाडौं - नेपाली बजारमा यस साता पनि सुनचाँदीको मूल्यले उकालो यात्रा तय गरेको छ । अघिल्लो साताको शुक्रबार तोलाको ९० हजार ५ सय रुपैयाँमा कारोबार भएको छापावाला सुनको मूल्य यस साताको शुक्रबारसम्म आइपुग्दा तोलामा १ हजार २ रुपैयाँले बढेर ९१ हजार ७ सय रुपैयाँ कायम भएको छ । अघिल्लो साता पनि सुनको मूल्य ६ सय रुपैयाँले बढेको थियो । 

त्यसैगरी, अघिल्लो साताको शुक्रबार तेजावी सुनको मूल्य तोलाको ९० हजार रुपैयाँमा कारोबार भएको थियो भने यस साताको शुक्रबारसम्म आइपुग्दा तोलामा १ हजार २ सय रुपैयाँले बढेर ९१ हजार २ कायम भएको छ । 

त्यस्तै, यस साता चाँदीको मूल्य पनि बढेको छ । गएको शुक्रबार तोलाको १ हजार ३ सय रुपैयाँमा कारोबार भएको चाँदीको मूल्य सय साताको शुक्रबारसम्म आइपुग्दा तोलामा २० रुपैयाँले बढेर १ हजार ३ सय २० रुपैयाँमा कारोबार भएको नेपाल सुनचाँदी व्यवसायी महासघंले जनाएको छ ।