दोहोरो अंकले घटेको बजारमा यी कम्पनीले गरे सर्वाधिक कारोबार

लगानी खबर, काठमाडौं - आज (बुधबार) सेयर बजार राताम्मै बनेको छ । आज नेप्से परिसूचक ३२.४१ अंकले घटेर २६३२.२० विन्दुमा पुग्दा सेयरबजार राताम्मै हो ।

राताम्मै बजारमा आज सबैभन्दा धेरै कारोबार हुने कम्पनीहरूको पहिलो नम्बरमा नेपाल इन्फ्रास्ट्रक्चर बैंक लिमिटेड रहेको छ । बैंकले २५ करोड ३९ लाख ७ हजार रुपैयाँ बराबरको कारोबार गरेको हो ।

त्यसैगरी, हिमाल दोलखा हाइड्रोपावर, नागरिक लगानी कोष, मञ्जुश्री फाइनान्स, अपि पावर कम्पनी, नबिल बैंक, एनआईसी एशिया लघुवित्त, अप्पर तामाकोशी हाइड्रोपावर, एनआईसी एशिया बैंक र अरुण कावेली पावरले सबैभन्दा धेरै कारोबार गरेका छन् ।