आज पनि नेप्से ९ दशमलव ३४ अंकले उकालो लाग्यो

लगानीखबर, काठमाडौं– दुई दिन देखी लगातार बढेको शेयर बजार आज पनि उकालो लागेको छ । 

नेपाल स्टक एक्सचेञ्जका अनुसार मंगलबार शेयर कारोबार मापक नेप्से परिसूचक ९.३४ अंकले बढेर एक हजार ४४०.९४ मा पुगेकाे छ । नेप्से ०.६५ प्रतिशतले बढेकाे हो । यस्तै सेन्सेटिभ परिसूचक ०.८३ अंकले बढेर २९३.९७ मा पुगेको छ ।

कूल १८९ वटा कम्पनीकाे ३९ लाख ४० हजार ६ सय ९१ कित्ता शेयर खरिदबिक्री हुँदा १ अर्ब ८५ करोड ५१ लाख ८० हजार ५ सय १० रुपैयाँको कारोबार भएकाे नेप्सेले जनाएकाे छ ।

स्टकका अनुसार कारोबार भएका कूल १२ उपसमूहमध्ये आज ९ वटा उपसमूहकाे शेयर बढेकाे छ भने बाँकी ३ वटा उपसमूहकाे शेयर भने घटेकाे छ ।

त्यसैगरी, मंगलबार काराेबार रकमकाे आधारमा नेपाल पुनर्बीमा कम्पनीले अग्रता कायम गर्न सफल भएकाे छ । कम्पनीको २८ कराेड ७४ लाख ५ हजार ८ सय ८९ रूपैयाँ बराबरकाे शेयर काराेबार भएकाे हाे ।