कामना सेवा विकास बैंकको नाफा १७२ प्रतिशतले बढ्दा कति पुग्यो ईपिएस ?

कामना सेवा विकास बैंक लिमिटेडले चालु आर्थिक वर्ष २०७७/७८ को तेस्रो त्रैमासको अपरिष्कृत वित्तीय विवरण प्रकाशित गरेको छ। आज आइतबार प्रकाशित विवरण अनुसार विवरण अनुसार बैंकको खुद नाफामा उल्लेख्य सुधार देखिएको छ।

चालु आर्थिक वर्षको चैत मसान्तसम्ममा बैंकले ५८ करोड ६१ लाख ५६ हजार रुपैयाँ खुद मुनाफा हासिल गरेको छ। यो मुनाफा अघिल्लो आर्थिक वर्षको सोही अवधिको तुलनामा १७२ प्रतिशत बढी हो। गत आर्थिक वर्षको सोही अवधिसम्ममा बैंकले २१ करोड ५४ लाख ९० हजार रुपैयाँ खुद नाफा आर्जन गरेको थियो।

यो अवधिमा बैंकको खुद ब्याज आम्दानीमा पनि ब्यापक बृद्धि भएको छ । अघिल्लो आर्थिक बर्ष यहि अवधिमा बैंकले ८५ लाख रुपैयाँ खुद ब्याज आम्दानी गरेकोमा यो बर्ष त्यो २५.७३ प्रतिशतले बढेर १ अर्ब ७ करोड पुगेको छ । बैंकको सञ्चालन मुनाफामा पनि ब्यापक बृद्धि भएको छ अघिल्लो बर्ष यहि अवधिमा बैंकले ३० करोड ६३ लाख कमाएको थियो भने यो बर्ष बैंकले ५९ करोड ९७ लाख रुपैया कमाएको छ ।

बैकको खुद मुनाफा बृद्धि भएसंगै प्रतिसेयर आम्दानी समेत ब्यापक बढेको छ । अघिल्लो बर्षको यहि अवधिमा बैंकको प्रतिसेयर आम्दानी ११ रुपैया ३१ पैसा रहेकोमा अहिले त्यो बृद्धि भएर २९ रुपैयाँ ४७ पैसा पुगेको छ । बैंकको मूल्य आम्दानी अनुपात९पिई रेसियो० ११।९४ गुणा रहको छ भने प्रतिशेयर नेटवर्थ ११४ रुपैयाँ ३५ पैसा रहेको छ।