घलेम्दी हाइड्रोले बोलायो साधारणसभा, लगानीकर्ता हिस्स !

लगानी खबर, काठमाडौं - घलेम्दी हाइड्रो लिमिटेडले आफ्नो सातौं साधारणसभा आह्वान गरेको छ ।

कम्पनीले बैशाख २३ गते काठमाडौँको पक्नाजोल स्थित होटेल मुनलाइटमा भर्चुअल माध्यमबाट हुने गरि आर्थिक वर्ष ७६/७७ को सभा आह्वान गरेको हो ।

सभामा अध्यक्षको आर्थिक वर्ष ७६/७७ को प्रतिवेदन छलफल गरि पारित गर्ने, लेखापरिक्षक प्रतिवेदन, अन्य वित्तीय विवरण र अनुसूचीहरु पारित गर्ने, आर्थिक वर्ष ७७/७८ को लागि लेखापरीक्षक नियुक्त गरि निजको पारिश्रमिक तोक्ने लगायतका प्रस्ताव पेश हुने छन् । 

कम्पनीले लाभांश घोषणा गरेको छैन । 

कम्पनीले साधारणसभा प्रयोजनको लागि बैशाख १६ देखि २३ गतेसम्म बुक क्लोज गर्ने निर्णय गरेको छ । जस अनुसार अनुसार बैशाख १५ गतेसम्म नेप्सेमा कारोबार भइ कायम शेयरधनीहरुले कम्पनीको साधारण सभामा सहभागिता जनाउन सक्नेछन् ।