यस साता २५ सयले बढ्यो सुनको मूल्य

लगानी खबर, काठमाडौं - नेपाली बजारमा यस साता सुनचाँदीको मूल्यले उकालो यात्रा तय गरेको छ । अघिल्लो साताको शुक्रबार तोलाको ८७ हजार ४ सय रुपैयाँमा कारोबार भएको छापावाला सुनको मूल्य यस साताको शुक्रबारसम्म आइपुग्दा तोलामा २ हजार ५ यस रुपैयाँले बढेर ८९ हजार ९ सय रुपैयाँ कायम भएको छ । अघिल्लो साता छापावाला सुनको मुल्या ११ सय रुपैयाँले बढेको थियो ।

त्यसैगरी, अघिल्लो साताको शुक्रबार तेजावी सुनको मूल्य तोलाको ८६ हजार ९ सय ५० रुपैयाँमा कारोबार भएको थियो भने यस साताको शुक्रबारसम्म आइपुग्दा तोलामा २ हजार ५ यस रुपैयाँले बढेर ८९ हजार ४ सय ५० कायम भएको छ । 

त्यस्तै, यस साता चाँदीको मूल्य पनि बढेको छ । गएको शुक्रबार तोलाको १ हजार २ सय ४० रुपैयाँमा कारोबार भएको चाँदीको मूल्य सय साताको शुक्रबारसम्म आइपुग्दा तोलामा ४० रुपैयाँले बढेर १ हजार २ सय ८० रुपैयाँमा कारोबार भएको नेपाल सुनचाँदी व्यवसायी महासघंले जनाएको छ ।