बैंकमा ‘आइपिओ’ भर्ने लगानीकर्ताको भीडभिड देखिएपछि थप शाखा खोल्न राष्ट्र बैंकको निर्देशन

लगानीखबर, काठमाडौं–  बैंकहरुमा हिजोआज आइपिओ भर्नेको भिड ह्वात्तै बढेको छ । बैंकहरुमा धैरै भीडभिड हुँदा आम ग्राहकलाई पर्न गएको असुबिधा र यसले निम्ताउन सक्ने खतरालाई मध्यनजर गर्दै थप शाखा खोल्न बैंकहरुलाई राष्ट्र बैंकले निर्देशन दिएको छ । 

बजारमा समाज लद्युवित्त वित्तीय संस्था लिमिटेड र रिलायन्स लाइफ इन्स्योरेन्स लिमिटेडको आइपिओ निश्कासन भई धमाधम बिक्री भैरहेको छ ।  दुवै कम्पनीको शेयर आज आवेदन दिने अन्तिम दिन रहेको छ ।

राम्रो कम्पनी शेयर भएकाले बैंकमा आइपिओ भर्नेको भिड बढेको हो । सवै लगानीकर्ताले मेरो शेयर नलिएको कारण बैंकमा नै गएर आवेद फारम  भरेर बुझाउनु, बैंकको सवै शाखा नखुल्नु र  बैंकमा कर्मचारी अभावका कारण खुलेका बैंकको शाखामा यतिखेर शेयरधनीको चाप बढेको बैंकहरुले बताएका छन् ।

अर्को तर्फ मेरो शेयरको सिस्टमले  राम्रोसँग काम नगरेकोले पनि बैंकमा आइपिओ भर्ने भीड लागेको हो । मेरो शेयरमा आवेदनको चाप बढी भएकोले मेरो शेयरको सिस्टम बेलाबेलमा डाउन हुँदै आएको छ ।