सिभिल बैंकको ल्यायो उच्च ब्याजदरसहितको  ‘प्रिमियम बचत खाता’

लगानीखबर, काठमाडौं– सिभिल बैंक लिमिटेडले सारा नेपालीका लागि सर्वाधिक ब्याजदर पाइने बचत खाता योजना ‘प्रिमियम बचत खाता’ ल्याएको छ । बैंकले बचत खातामा वार्षिक ६ प्रतिशत ब्याजदर प्रदान गर्नेछ ।

यस वचत खाताको न्युनतम मौज्दात  दस हजार रहेको छ भने यस बचत खाता खोल्दा बैंकले ग्राहकहरुकालागि निःशुल्क इन्टरनेट बैंकिङ, एटीएम कार्ड, एसएमएस बैंकिङ् सेवापनि प्रदान गर्नेछ ।

यसको अतिरिक्त बैंकले व्यक्तिगत मुद्दती निक्षेपमा पनि ८.७५ प्रतिशतको सर्वाधिक ब्याजदर प्रदान गर्दै आईरहेको छ ।

विद्यमान कोरोना संक्रमणबाट सिर्जित कठिन अवस्थामा अन्य वित्तीय संस्थाहरुद्वारा निक्षेपमा प्रदान गरिएको न्यून ब्याजदरको तुलनामा ग्राहकको मेहनतको कमाईलाई कदर गर्दै आकर्षक ब्याजप्रदान गरिएको कारणले ग्राहकहरु लाभान्वित हुने कुरा बैैंकले जनाएको छ ।

सिभिल बैंक लिमिटेडले आफ्ना ग्राहकहरुलाई आगामीदिनमा थप यस्तै आकर्षक सेवारयोजनाहरु प्रदान गर्दै जाने  जनाएको छ ।