चन्द्रागिरी हिल्स : सेयर किन्नेभन्दा बेच्नेको संख्या २ गुणा बढी

लगानी खबर, काठमाडौं - धितोपत्रको दोस्रो बजारमा चन्द्रागिरी हिल्सको सेयर बेच्नेको लर्को लागेको छ  । निरन्तर बढिरहेको कम्पनीको सेयरमूल्यमा आज (सोमबार)  गिरावट आएसँगै बेच्नेको संख्या ह्वात्तै बढेको हो  ।

यसअघिका कारोबार दिनहरुमा कम्पनीको सेयरको माग उच्च हुँदा ब्रिकेताको उपस्थिति भए शून्य जस्तै देखिन्थ्यो  ।

तर आज मूल्यमा गिरावट आएसँगै कम्पनीको सेयरको माग पनि घटेको हो ।  यो समाचार तयार पार्दासम्म कम्पनीको सेयरमूल्य १ सय ४९ रुपैयाँले घटेर १ हजार ९ सय ३० मा कारोबार भइरहेको छ । अहिले कम्पनीको सेयर किन्न २६ हजार लगानीकर्ताले खरिद आदेश गर्दा बेच्नेको संख्या भने ५० हजारभन्दा माथि छ ।