जानकी फाइनान्सले डाक्यो वार्षिक सभा, के-के छन् एजेण्डा ?

लगानी खबर, काठमाडौं - जानकी फाइनान्स लिमिटेडले लाभांश वार्षिक साधारण सभा आह्वान गरेको छ । संस्थाको २४औं वार्षिक सभा चैत २८ गते गायत्री कुञ्ज, अतिथि सदन, जानकी चोक, जनकपुरधाममा बिहान १० बजे सुरु हुनेछ  ।

सभामा सञ्चालक समितिका तर्फबाट अध्यक्षले प्रस्तुत गर्ने आर्थिक वर्ष २०७६/७७ को प्रतिवेदनमाथि छलफल गरी पारित गर्ने, लेखापरीक्षकको प्रतिवेदन र अनुसूची सहतिको वित्तीय विवरणमाथि छलफल गरी पारित गरीनेछ । यस वर्ष संस्थाका सेयरधनीहरुको भने हात खालि हुने भएको छ ।

साधारण सभा प्रयोजनको लागि फाइनान्सले चैत १८ गतेदेखि २८ गतेसम्म बुकक्लोज गर्ने जनाएको छ। यस अनुसार चैत १७ गते मंगलबारसम्म कायम शेयरधनीहरु मात्रै साधारण सभामा सहभागी हुन सक्नेछन्।