चन्द्रागिरी हिल्स आयोजना प्रभावितको आईपीओ हितग्राही खातामा जम्मा, आएन भने यसो गर्नुस्

लगानी खबर, काठमाडौं - चन्द्रागिरी हिल्स लिमिटेडको आयोजना प्रभावित क्षेत्रका स्थानीय बासिन्दाहरुको नाउँमा रहेको साधारण सेयर (आईपीओ) हितग्राही खाता नम्बर हुबहु मिलेका सेयरधनीको खातामा जम्मा भइसकेको  छ ।

कम्पनीले हितग्राही खाता नम्बर उपलब्ध नभएका तथा हितग्राही खाता नम्बर नमिली फिर्ता भएका सेयरधनीको सेयर हितग्राही खातामा जम्मा गर्नका लागि हितग्राही खाता उपलब्ध गराउन आग्रह गरेको छ ।

कम्पनीले आफ्नो हितग्राही खाता कम्पनी अथवा सेयर रजिष्टार ग्लोबल आइएमई क्यापिटल लिमिटेडको इमेल ठेगानामा पठाउन अनुरोध गरेको हो ।

कम्पनीले पहिलो चरणमा मंसिर १७ गतेबाट आयोजना प्रभावित क्षेत्रका स्थानीयका लागि १०० रुपैयाँ अंकित दरका ३ लाख ६ हजार ८१९ कित्ता साधारण सेयर निष्कासन गरेको थियो ।

कम्पनीले प्रकाशन गरेको सूचना हेर्नुहोस् :-