रिलायन्स लाइफको ‘आइपिओ’मा पहिलो दिन ५५ हजारले दिए आवेदन

लगानीखबर, काठमाडौं– रिलायन्स लाइफ इन्स्योरेन्स कम्पनी लिमिटेडले साधारण शेयर (आइपिओ) निष्कासन गरेको आज पहिलो दिन रहेको छ ।

पहिलो दिन बेलुका ४;३० सम्ममा ५५ हजार २ सय ८४ जना आवेदकले २७ लाख ३० हजार १ सय ३० कित्ताको लागि आवेदन  दिएका निष्कासन तथा बिक्री प्रबन्धक सानीमा क्यापिटलले जानकारी दिएको छ ।

कम्पनीले ६३ करोड रूपैयाँ बराबरको प्रतिशेयर १०० अंकित मूल्यका ६३ लाख कित्ता साधारण शेयर (आइपिओ) निष्कासन तथा बिक्री खुल्ला गरेको हो। 

कम्पनीले ६३ लाख कित्तामध्ये ५ प्रतिशत अर्थात ३ लाख १५ हजार कित्ता सामूहिक लगानी कोषका लागि, ५ प्रतिशत कर्मचारीहरुका लागि र बाँकी ५६ लाख ७० हजार कित्ता सर्वसाधारणका लागि निष्कासन तथा बिक्री खुल्ला गरेको हो।