ग्रीन लाइफ हाइड्रोको आईपीओ नेप्सेमा सूचिकृत

लगानी खबर, काठमाडौं - ग्रीन लाइफ हाइड्रोपावर कम्पनी लिमिटेडको साधारण सेयर (आईपीओ) नेपाल स्टक एक्सचेन्ज (नेप्से)मा सूचिकृत भएको छ ।

कम्पनीको एक कराेड ८० लाख कित्ता आईपीओ नेप्सेमा सूचिकृत भएको हो । कम्पनीको आईपिओलाई ९९.६७ रुपैयाँदेखि २९९.०१ रुपैयाँसम्म ओपनिङ्ग रेन्ज प्रदान गरिएको छ ।

कम्पनीले माघ २३ गते, शुक्रबारबाट प्रतिकित्ता १०० रुपैयाँ अंकित दरमा ३४ करोड ९६ लाख ४० हजार रूपैयाँ बराबरको ३४ लाख ९६ हजार ४ सय कित्ता साधारण सेयर आईपीओ निष्कासन तथा बिक्री खुल्ला गरेको हो । 

जसमध्ये १ लाख ७४ हजार ८२० कित्ता सेयर सामूहिक लगानी कोषका लागि, ६९ हजार ९ सय २८ कित्ता कर्मचारीहरुका लागि र बाँकी ३२ लाख ५१ हजार ६ सय ५२ कित्ता सर्वसाधारणहरुका लागि छुट्याइएको थियो ।