एनआईसी एशिया बैंकले फेरि ल्यायाे २ कम्पनीको सेयर लिलामीमा, यसपटक बिक्री होला त ?

लगानी खबर, काठमाडौं – एनआईसी एशिया बैंक लिमिटेडले आफ्नाे स्वामित्वमा रहेको २ वटा कम्पनीकाे सेयर पटक-पटक लिलाम बढाबढ गरी बिक्री खुल्ला गरिरहेकाे छ । यसअघि बिक्री नभएपछि बैंकले फेरि आज (चैत्र १ गते, आइतबार) बाट लिलाम बढाबढ गरी बिक्री खुल्ला गरेकाे छ ।

बैंकले नागरिक लगानी कोषको ५० हजार कित्ता र नेशनल लाइफ इन्स्योरेन्स कम्पनी लिमिटेडकाे २५ हजार कित्ता संस्थापक समूहकाे सेयरहरू लिलाम बढाबढ गरी बिक्री खुल्ला गरेकाे हाे ।

कुनकाे मूल्य कति ?

१. नागरिक लगानी कोष​ = १५०४

२. नेशनल लाइफ इन्स्योरेन्स कम्पनी लिमिटेड = ४०४

कहिलेसम्म दिने आवेदन ?

लगानीकर्ताले आज (चैत्र १ गते, आइतबार) बाट चैत्र ६ गते शुक्रबारसम्म बोलपत्र पेश गर्नुपर्नेछ ।

कति दिने आवेदन ?

लगानीकर्ताले न्युनतम एक सय कित्ता र अधिकतममा १० ले भाग जाने गरि सबै कित्ताको लागि आवेदन दिन सक्नेछन् । 

काे हाे बिक्री प्रबन्धक ?

कम्पनीको निष्कासन तथा बिक्री प्रबन्धक एनआईसी एशिया क्यापिटल लिमिटेड रहेको छ । 

कहाँबाट दिने आवेदन ?

लगानीकर्ताहरुले एनआईसी एशिया क्यापिटल लिमिटेड, बबरमहल, काठमाडौं तथा एनआईसी एशिया बैंक लमिटेडकाे केन्द्रीय कार्यालय थापाथली र शाखा कार्यालयहरु विराटनगर, वीरगंज, पोखरा, बुटवल, धनगढी र सुर्खेतबाट आवेदन दिन सक्नेछन् ।

बैंकले प्रकाशन गरेकाे सूचना यस प्रकारकाे छ :