ज्योति विकास बैंकले पठायाे बोनस

लगानी खबर, काठमाडौँ - ज्योति विकास बैंक लिमिटेडले आफ्ना शेयरधनीहरूको हितग्राही खातामा बोनस सेयर जम्मा गरेकाे छ ।

बैंककाे माघ १४ गते, सम्पन्न भएकाे तेर्हाैँ वार्षिक साधारण सभाले पारित गरेकाे १० प्रतिशत बोनस सेयर बुक क्लाेज हुनुभन्दा अघिल्लाे दिन अर्थात् पाैष २८ गतेसम्म शेयर अभौतिकिकरण गराएका शेयरधनीहरुकाे सम्बन्धित हितग्राही खातामा जम्मा गरिएकाे बैंकले जनाएकाे छ । बैंककाे बाेनस नेपाल स्टक एक्सचेञ्ज (नेप्से) मा सूचिकृत भइसकेकाे छ ।

त्यसैगरी, पाैष २८ गतेपछि कायम भएका शेयधनीहरूले भने बोनस सेयर पाउनका लागि सर्वप्रथम कर तिर्नुपर्नेछ । कर तिर्नका लागि शेयधनीहरूले नेपाल इन्भेष्टमेन्ट बैंक लिमिटेडमा रहेको खाता नम्बर ०३६०१०४०२६५४६१ मा रकम जम्मा गर्नुपर्नेछ । कर तिरेपश्चात् मात्र शेयरधनीहरूले बाेनस प्राप्त गर्न सक्नेछन् । 

बैंककाे शेयर रजिष्ट्रार एनआइबिएल एस क्यापिटल लिमिटेड रहेको छ । 

बैंकले प्रकाशन गरेकाे सूचना यस प्रकारकाे छ :