सेयर बजारमा फर्कियो हरियाली, लगानीकर्ता उत्साहित

लगानी खबर, काठमाडौँ - साताकाे अन्तिम दिन आज (बिहीबार) सेयर बजारमा चमक देखा परेकाे छ । सरकार र नेकपा विप्लव समुहबीचको वार्ता सफल भएसँगै सेयर बजारमा पनि  हरियाली फर्किएकाे छ ।

नेपाल स्टक एक्सचेञ्जका अनुसार बिहीबार सेयर कारोबार मापक नेप्से परिसूचक ९०.६७ अंकले बढेर २५०६.६८ विन्दुमा पुगेकाे छ । नेप्से ३.७५ प्रतिशतले बढेकाे हो । यस्तै सेन्सेटिभ परिसूचक १४.६७ अंकले बढेर ४५१.४६ मा पुगेको छ ।

कूल २०६ वटा कम्पनीकाे एक कराेड ६६ लाख २२ हजार ७ सय ६३ कित्ता शेयर खरिदबिक्री हुँदा ६ अर्ब ५ करोड ८१ लाख ४ हजार ३ सय १७ रुपैयाँको कारोबार भएकाे नेप्सेले जनाएकाे छ ।

स्टकका अनुसार कारोबार भएका कूल १३ उपसमूहमध्ये सबै उपसमूहकाे सेयर हरियाली भएकाे छ ।

त्यसैगरी, बिहीबार काराेबारमा नेपाल इन्फ्रास्ट्रक्चर बैंक लिमिटेड अब्बल रहँदा ६ वटा कम्पनीकाे सेयर सकारात्मक सर्किट लेभलमा काराेबार भएकाे छ ।

हेराैं आजकाे शेयर तालिका :