३ कम्पनीको लिलामी सेयर भर्ने आज अन्तिम मौका

लगानी खबर, काठमाडौं – एक्सेल डेभलपमेन्ट बैंक लिमिटेडले फागुन ६ गते, बिहीबारबाट बिक्री खुल्ला गरेकाे ३ वटा कम्पनीकाे लिलामी सेयरमा आवेदन दिने आज (माघ ४ गते, आइतबार) अन्तिम दिन रहेकाे छ ।

बैंकले आफ्नाे स्वामित्वमा रहेकाे आरएमडिसी लघुवित्त वित्तिय संस्था लिमिटेडकाे ५ हजार ७ सय ७० कित्ता, ग्रामीण विकास लघुवित्त वित्तिय संस्था लिमिटेडकाे २५ हजार २ सय कित्ता र युनाइटेड इन्स्याेरेन्स कम्पनी लिमिटेडकाे ९५ हजार ६ सय ४९ कित्ता संस्थापक समूहकाे सेयरहरू लिलाम बढाबढ गरी बिक्री खुल्ला गरेकाे थियाे ।

कुनकाे मूल्य कति ?

१. आरएमडिसी लघुवित्त वित्तिय संस्था लिमिटेड​ = ४९८

२. ग्रामीण विकास लघुवित्त वित्तिय संस्था लिमिटेड​ = ४००

३. युनाइटेड इन्स्याेरेन्स कम्पनी लिमिटेड = २९८

कति दिने आवेदन ?

लगानीकर्ताले न्युनतम एक हजार कित्ता र अधिकतममा १० ले भाग जाने गरि सम्पूर्ण कित्ताको लागि आवेदन दिन सक्नेछन् । 

काे हाे बिक्री प्रबन्धक ?

कम्पनीको निष्कासन तथा बिक्री प्रबन्धक प्रभु क्यापिटल लिमिटेड रहेको छ । 

कहाँबाट दिने आवेदन ?

लगानीकर्ताहरुले प्रभु क्यापिटल लिमिटेड, कमलादी, काठमाडौं तथा एक्सेल डेभलपमेन्ट बैंक लिमिटेडकाे केन्द्रिय कार्यालयमा आइपुग्ने गरी आवेदन दिन सक्नेछन् ।