कुमारी इक्विटी फन्ड भर्ने समय लम्बियो

लगानी खबर, काठमाडौं – कुमारी क्यापिटल लिमिटेडले फागुन १४ गते, शुक्रबारदेखि निष्कासन तथा बिक्री खुल्ला गरेकाे "कुमारी इक्विटी फन्ड" नामक सामुहिक लगानी कोषमा आवेदन दिने समय लम्बिएको छ । यसअघि  आज (फागुन १८ गते, मंगलबार) सम्म आवेदन दिन पाइने भनिएकाेमा पर्याप्त आवेदन नपरेकाे हुनाले १० दिन म्याद थप गरिएकाे हाे । अब यस फन्डमा फागुन २८ गते शुक्रबारसम्म आवेदन दिन सकिनेछ ।

क्यापिटलले प्रतिइकाई १० रुपैयाँ अंकित दरमा ८ करोड इकाई निष्कासन तथा बिक्री खुल्ला गरेकाे हाे । फण्डले १५ प्रतिशत अर्थात् १ करोड २० लाख इकाई कोष प्रवर्धक कुमारी बैंकलाई सुरक्षित गरी बाँकी रहेको ६ करोड ८० लाख इकाई सर्वसाधरणलाई खुल्ला गरेकाे हाे । यो दशवर्षे बन्दमुखी योजना हो ।

उक्त फण्डमा न्यूनतम १०० इकाईदेखि अधिकतम ८० लाख इकाईसम्म आवेदन दिन सकिनेछ । 

उक्त फण्डको इकाईमा लगानीकर्ताहरूले धितोपत्र बोर्डबाट आश्वा अनुमति लिएका सम्पूर्ण बैंक तथा वित्तीय संस्था तथा मेरो शेयरबाट पनि आवेदन दिन सक्नेछन् । इक्रा नेपालले यो योजनालाई एएमसी ३ रेटिङ प्रदान गरेको छ । 

कुमारी इक्विटी फन्डकाे बारेमा अन्य विवरण यस प्रकारकाे छ :