साना किसान लघुवित्तले १२ हजार कित्ता सेयर लिलामीमा ल्याउँदै, कहाँबाट दिने आवेदन ?

लगानी खबर, काठमाडौं – साना किसान लघुवित्त वित्तीय संस्था लिमिटेडले फागुन २८ गते, शुक्रबारबाट  सेयर लिलाम बढाबढ गरी बिक्री गर्ने भएको छ ।

संस्थाले २०७२ साल मंसिर २५ गतेदेखि २०७२ साल पाैष ३० गतेसम्म निष्कासन तथा बिक्री खुला गरेको हकप्रद  सेयरमा आवेदन नपरेको संस्थापक समूहकाे ३ हजार ३ सय ६८ कित्ता र सर्वसाधारण समूहको ९ हजार ७४ कित्ता शेयर लिलाम बढाबढ गरी बिक्री गर्न लागेकाे हाे । 

कहिलेसम्म दिने आवेदन ?

लगानीकर्ताले फागुन २८ गते, शुक्रबारबाट चैत्र १३ गतेसम्म शिलबन्दी बोलपत्र पेश गर्नुपर्नेछ ।

प्रतिकित्ता मूल्य कति ?

उक्त  सेयरको न्यूनतम मूल्य प्रतिशेयर एक सय रूपैयाँ तोकिएको छ । लगानीकर्ताले सो वा सो भन्दा बढी मूल्य अंकित गरी बोलपत्र पेश गर्नुपर्नेछ । 

कति दिने आवेदन ?

लगानीकर्ताले न्युनतम एक सय कित्ताका लागि आवेदन दिनुपर्नेछ भने अधिकतममा सम्पूर्ण  सेयरका लागि आवेदन दिन सक्नेछन् । 

काे हाे बिक्री प्रबन्धक ?

कम्पनीको निष्कासन तथा बिक्री प्रबन्धक नबिल इन्भेष्टमेन्ट बैंकिङ्ग लिमिटेड रहेको छ । 

कहाँबाट दिने आवेदन ?

लगानीकर्ताहरुले नबिल इन्भेष्टमेन्ट बैंकिङ्ग लिमिटेड, नक्साल, काठमाडौँ, साना किसान लघुवित्त वित्तीय संस्था लिमिटेडका विभिन्न शाखा कार्यालयहरूबाट आवेदन दिन सक्नेछन् ।

संस्थाले प्रकाशन गरेकाे सूचना यस प्रकारकाे छ :