नेप्सेमा २ कम्पनीको शेयरमूल्य समायोजन, कुनको कतिमा खुल्छ कारोबार ?

लगानी खबर, काठमाडौं – नेपाल स्टक एक्सचेञ्ज (नेप्से) मा विभिन्न २ वटा कम्पनीकाे शेयरमूल्य समायोजन भएको छ । गणपति लघुवित्त वित्तीय संस्था लिमिटेड र नेशनल माइक्रोफाइनान्स लघुवित्त वित्तीय संस्था लिमिटेडकाे शेयरमूल्य समायोजन भएको हाे ।

गणपति लघुवित्त वित्तीय संस्था लिमिटेडकाे १५ प्रतिशत बाेनस शेयर पछि नेप्सेले प्रतिकित्ता एक हजार ५ सय ४२ रूपैयाँ कायम हुने गरी शेयर मूल्य समायोजन गरेको हाे । नेप्सेले बिहीबारको अन्तिम कारोबार मूल्य एक हजार ७ सय ७३ रुपैयाँका आधारमा मूल्य समायोजन गरेको हो ।

त्यसैगरी, नेशनल माइक्रोफाइनान्स लघुवित्त वित्तीय संस्था लिमिटेडकाे २१ प्रतिशत बाेनस शेयर पछि नेप्सेले प्रतिकित्ता २ हजार ७ सय ४८ रूपैयाँ कायम हुने गरी शेयर मूल्य समायोजन गरेको हाे । नेप्सेले बिहीबारको अन्तिम कारोबार मूल्य ३ हजार ३ सय २५ रुपैयाँका आधारमा मूल्य समायोजन गरेको हो ।