लगानी खबर, काठमाडौँ -  नेपाल राष्ट्र बैंकले आज (फागुन ११ गते, मंगलबार) सूचना तथा सञ्चार नीति, २०७७ जारी गरेको छ ।

बैंकले सूचनाकाे हक संरक्षण गरी प्रत्येक सार्वजनिक निकायले नागरिककाे सूचनाकाे हककाे सम्मान र संरक्षण गर्नुपर्ने जिम्मेवारीलाई आत्मसाथ गर्दै सूचना तथा जानकारी व्यवस्थित, सहज र पारदर्शी ढंगले सम्प्रेषण गर्ने उद्देश्यसहित सूचना तथा सञ्चार नीति, २०७७ जारी गरेको हाे ।

यस नीति अनुसार अब राष्ट्र बैंकले सूचनाको सम्प्रेषणका लागि पत्रपत्रिका, रेडियो, टेलिभिजनबाहेक सामाजिक सञ्जाल पनि प्रयोग गर्ने भएकाे छ । सामाजिक सञ्जालको सञ्चालन गभर्नरको कार्यालय, सूचना तथा सञ्चार समन्वय महाशाखाले प्रवक्ता तथा सूचना अधिकारीको समन्वयमा गरिने भएकाे हाे । 

सूचना तथा सञ्चार नीति पढ्न यहाँ थिच्नुहाेस् :