एनआईसी एशिया बैंकले लिलामीमा ल्याएको ३ कम्पनीको शेयर कहिलेसम्म भर्ने ?

लगानी खबर, काठमाडौं – एनआईसी एशिया बैंक लिमिटेडले आफ्नाे स्वामित्वमा रहेको विभिन्न ३ वटा कम्पनीकाे संस्थापक समूहकाे शेयर लिलाम बढाबढ गरी बिक्री गरिरहेकाे छ ।

बैंकले आरएमडिसी लघुवित्त वित्तीय संस्था लिमिटेडकाे ४ लाख ३६ हजार ३ सय ६१ कित्ता, महुली सामुदायिक लघुवित्त वित्तीय संस्था लिमिटेडकाे ६१ हजार २ सय कित्ता र मेराे माइक्राेफाइनान्स लघुवित्त वित्तीय संस्था लिमिटेडकाे ५ लाख ९८ हजार ५ सय ९८ कित्ता संस्थापक समूहकाे शेयरहरू लिलाम बढाबढ गरी बिक्री खुल्ला गरेकाे हाे ।

कुनकाे मूल्य कति ?

१. आरएमडिसी लघुवित्त वित्तीय संस्था लिमिटेड​ = ५२३

२. महुली सामुदायिक लघुवित्त वित्तीय संस्था लिमिटेड​​ = ८१२

३. मेराे माइक्राेफाइनान्स लघुवित्त वित्तीय संस्था लिमिटेड​ = ४६३

कहिलेसम्म दिने आवेदन ?

लगानीकर्ताले फागुन १२ गते बुधबारसम्म बोलपत्र पेश गर्नुपर्नेछ ।

कति दिने आवेदन ?

लगानीकर्ताले न्युनतम एक सय कित्ता र अधिकतममा १० ले भाग जाने गरि सबै कित्ताको लागि आवेदन दिन सक्नेछन् । 

काे हाे बिक्री प्रबन्धक ?

कम्पनीको निष्कासन तथा बिक्री प्रबन्धक एनआईसी एशिया क्यापिटल लिमिटेड रहेको छ । 

कहाँबाट दिने आवेदन ?

लगानीकर्ताहरुले एनआईसी एशिया क्यापिटल लिमिटेड, बबरमहल, काठमाडौं तथा एनआईसी एशिया बैंक लमिटेडकाे केन्द्रीय कार्यालय थापाथली र शाखा कार्यालयहरु विराटनगर, वीरगंज, पोखरा, बुटवल, धनगढी र सुर्खेतबाट आवेदन दिन सक्नेछन् ।

बैंकले प्रकाशन गरेकाे सूचना यस प्रकारकाे छ :