नेप्सेमा स्वाभिमान लघुवित्तको सेयरमूल्य समायोजन, कतिमा खुल्छ कारोबार ?

नेपाल स्टक एक्सचेन्ज (नेप्से) मा स्वाभिमान लघुवित्त वित्तीय संस्था लिमिटेडको बोनस सेयरमूल्यमा समायोजन भएको छ। 

कम्पनीको गत आर्थिक वर्षका लागि प्रस्तावित २० प्रतिशत बोनस सेयरमूल्यमा समायोजन गर्दै नेप्सेले प्रतिकित्ता २ हजार ३३३ रुपैयाँ कायम गरेको हो। यसअघिको अन्तिम कारोबार मूल्य प्रतिकित्ता २ हजार ७९९ रुपैयाँ रहेको थियो। 

संस्थाले गत आर्थिक वर्षको मुनाफाबाट सेयरधनीहरुलाई २० प्रतिशत बोनस र १.०५ प्रतिशत नगद (कर प्रयोजनार्थ) गरी कुल २१.०५ प्रतिशत लाभांश प्रस्ताव गरेको छ। प्रस्तावित लाभांश संस्थाको वार्षिक साधारणसभाबाट अनुमोदन भएपछि वितरण गरिनेछ।