अन्तर्राष्ट्रिय बजारमा मूल्य वृद्धिसँगै आयल निगम घाटामा

नाफा कमाउँदै आएको नेपाल आयल निगमलाई पछिल्लो समय १५ दिनमै एक अर्व बाराबरको घाटा भएको छ । इन्डियन आयल कर्पोरेशन(आइओसी) ले पठाएको नयाँ मुल्य अनुसार पेट्रोलियम पदार्थको मुल्य बढेर आएकाले निगमले १५ दिनमा झन्डै एक अर्ब घाटा बेहोर्नु परेको हो । 

अन्तराष्ट्रिय बजारमा पेट्रोलियम पदार्थको मुल्य बढ्दै गएपछि नेपाल आयल निगमले पछिल्लो समय घाटा बेहोर्नु परेको हो । पेट्रोलियम पदार्थको मुल्य बढेर आएकाले १५ दिनमा झन्डै ९७ करोड ७५ लाख बराबरको नोक्सान हुने देखिएको निगमको भनाई छ । निगमलाई सबैभन्दा धेरै ग्यासमा ४६ करोड घाटा रहेको छ ।

कोरोना भाइरसको प्रभावका कारण बिश्वभर लकडाउन भएकाले चैत्र महिनामा प्रतिब्यारेल २० डलरमा पाइने कच्चा तेलको मूल्य अहिले बढेर ५० डलर प्रतिब्यारेल पुगेको छ ।   

आइओसीले गत सोमबार पठाएको मुल्य अनुसार निगमलाई प्रतिलिटर पेट्रोलमा ६ सय रुपैयाँ ८० पैसा, डिजेलमा ४ रुपैयाँ ६७ पैसा घाटा रहेको छ । त्यसैगरी, खाना पकाउने ग्यासमा भने प्रतिसिलिन्डर ३ सय १७ रुपैयाँ ११ पैसा नोक्सान हुने निगमले जनाएको छ । त्यस्ते डिजेलमा प्रतिलिटर ९७ रुपैयाँ ६७ पैसा, मट्टितेल प्रतिलिटर ७४ रुपैयाँ ९० पैसा लागत पर्छ । 

आइओसीले प्रतेक महिनाको १ र १६ तारिखमा नयाँ मुल्य पठाउने गर्छ । सोही अनुसार निगमले स्थानीय बजारमा मुल्य समायोजन गर्दै आएको छ । निगमले आर्थिक वर्ष २०७२ साल देखि स्वचालीत मुल्य प्रणाली लागू गर्दै आएको छ । स्वचालीत मुल्य प्रणाली अनुसार इन्धनको मुल्य बढ्ने र घट्ने हुन्छ तर लगातार मुल्य बढ्दै गएपछि मुल्य बढाउँदा उपभोक्तालाई भारपर्ने भन्दै निगमले मुल्य स्थिरिकरण कोषबाट घाटा व्यवस्थापन गर्ने गर्छ ।