मर्जरमा जान लागेको स्वदेशी लघुवित्तको साधारण सभा आज, यस्ता छन् पारित हुने एजेन्डा

लगानी खबर, काठमाडौँ - स्वदेशी लघुवित्त वित्तीय संस्था लिमिटेडकाे वार्षिक साधारण सभा आज (माघ ४ गते, आइतबार) हुँदैछ ।

संस्थाको पुस १० गते, शुक्रबार बसेको सञ्चालक समितिको बैठकले गरेकाे निर्णय अनुसार संस्थाकाे छैठाैँ वार्षिक साधारण सभा होटल पाथिभराको सभाहल, इटहरी, सुनसरीमा बिहान ९ बजेबाट सुरू हुनेछ । 

सभामा स्वदेशी लघुवित्त वित्तीय संस्था लिमिटेड र एनआइसी एशिया लघुवित्त वित्तीय संस्था लिमिटेड एक आपसमा गाभ्ने/गाभिने (मर्जर) सम्बन्धमा सञ्चालक समितिकाे तर्फबाट प्रस्तुत हुने प्रतिवेदन छलफल गरि पारित गर्ने विशेष प्रस्ताव रहेकाे छ ।

त्यसैगरी, सभामा स्वाप रेसियो पारित गर्ने, डिडिए रिपोर्ट पारित गर्ने, मर्जर सम्बन्धी आवश्यक कार्य गर्न गराउनका लागि सञ्चालक समितिलाई अख्तियारी प्रदान गर्ने, आर्थिक विवरण तथा लेखापरीक्षक विवरण र अन्य वित्तीय विवरण छलफल गरि पारित गर्ने लगायतका एजेन्डाहरूमा छलफल हुनेछ ।