३.५४ अंकले घट्यो शेयर बजार : ७ कम्पनीको शेयर सकारात्मक सर्किट लेभलमा कारोबार

लगानी खबर, काठमाडौँ - आज (मंगलबार) शेयर बजारले ओरालाे यात्रा तय गरेकाे छ । शेयर बजारमा सामान्य गिरावट देखिएकाे छ । 

नेपाल स्टक एक्सचेञ्जका अनुसार मंगलबार शेयर कारोबार मापक नेप्से परिसूचक ३.५४ अंकले घटेर २१६५.४९ मा पुगेकाे छ । नेप्से ०.१६ प्रतिशतले घटेकाे हो । यस्तै सेन्सेटिभ परिसूचक १.४७ अंकले घटेर ४१३.६८ मा पुगेको छ ।

कूल २०६ वटा कम्पनीकाे एक कराेड ८ लाख ९ हजार ६ सय २५ कित्ता शेयर खरिदबिक्री हुँदा ४ अर्ब ५६ करोड ६३ लाख ८१ हजार एक सय ७८ रुपैयाँको कारोबार भएकाे छ । 

स्टकका अनुसार मंगलबार कारोबार भएका कूल १२ उपसमूहमध्ये ३ वटा उपसमूहकाे शेयर बढेकाे छ भने बाँकी ९ वटा उपसमूहकाे शेयर घटेकाे छ। 

त्यसैगरी, मंगलबार ७ कम्पनीहरुको शेयर सकारात्मक सर्किट लेभलमा कारोबार भएको छ । जनउत्थान सामुदायिक लघुवित्त वित्तीय संस्था लिमिटेड, नारायणी डेभलपमेन्ट बैंक लिमिटेड, हिमाल दोलखा हाइड्रोपावर, रिडी हाइड्रोपावर, जोशी हाइड्रोपावर, आँखुखोला हाइड्रोपावर र घलेम्दी हाइड्रोपावरकाे शेयर सकारात्मक सर्किट लेभलमा कारोबार भएको हो ।

           हेराैं आजकाे शेयर तालिका :