१५ वर्षको लागि उर्जा ऋणपत्र निष्कासन गर्न एनएमबि बैंक बोर्डको ढोकामा

लगानी खबर, काठमाडौँ -  एनएमबि बैंक लिमिटेडले ऋणपत्र निष्कासन गर्न नियामक निकाय नेपाल धितोपत्र बोर्ड (सेबोन) मा निवेदन पेश गरेकाे छ । बैंकले पाैष ८ गते बुधबार सेबाेनमा निवेदन पेश गरेकाे हाे ।

बैंकले १५ वर्ष अवधिको लागि १ अर्ब ५० करोड रुपैयाँ बराबरको ‘४ प्रतिशत, १५ वर्ष एनएमबि उर्जा ऋणपत्र २०९२/९३’ नाम गरेकाे १५ लाख कित्ता ऋणपत्र निष्कासन गर्न निवेदन पेश गरेकाे छ । जसमध्ये बैंकले सर्वसाधारणका लागि ६ लाख कित्ता र व्यक्तिगत रुपमा विभिन्न संघ संस्थालाई ९ लाख कित्ता बिक्री गर्नेछ ।

त्यसैगरी, बैंककाे उक्त ऋणपत्रमा निष्कासन तथा बिक्री प्रबन्धकको काम हिमालयन क्यापिटल लिमिटेडले गर्नेछ ।