पञ्चकन्या माई हाइड्रोपावरको नाफामा गिरावट, कस्ता छन् अन्य सूचक ? (विवरणसहित)

लगानी खबर, काठमाडौँ - पञ्चकन्या माई हाइड्रोपावर कम्पनी लिमिटेडले चालु आर्थिक वर्ष २०७७/७८ को पहिलाे त्रैमासको वित्तीय विवरण सार्वजनिक गरेको छ । उक्त विवरण अनुसार कम्पनीकाे नाफामा गिरावट देखिएकाे छ ।

पहिलाे त्रैमासमा कम्पनीले ३ करोड ३९ हजार रुपैयाँ खुद नाफा आर्जन गरेकाे छ । उक्त नाफा रकम गत आर्थिक वर्षकाे यसै अवधिको तुलनामा ३६ प्रतिशतले थाेरै हाे । गत आर्थिक वर्षकाे यसै अवधिमा कम्पनीले ४ करोड ७५ लाख रुपैयाँ खुद नाफा आर्जन गरेकाे थियो । 

यसैगरी, पहिलाे त्रैमासमा कम्पनीले बिजुली बेचेर १३ करोड ५० लाख २८ हजार रुपैयाँ आम्दानी गरेको छ । गत आर्थिक वर्षकाे यसै अवधिसम्ममा कम्पनीले बिजुली बेचेर १५ करोड ३३ लाख २७ हजार रुपैयाँ आम्दानी गरेको थियाे । 

त्यस्तै, कम्पनीकाे चुक्ता पूँजी १ अर्ब १० करोड रुपैयाँ र जगेडा कोष १५ करोड ४५ लाख १९ हजार रूपैयाँ ऋणात्मक रहेकाे छ । पहिलाे त्रैमासमा कम्पनीको प्रतिशेयर आम्दानी २ रुपैयाँ ७३ पैसा रहेकाे छ । कम्पनीकाे प्रतिशेयर नेटवर्थ ८५ रुपैयाँ ९५ पैसा रहेकाे छ । 

कम्पनीले सार्वजनिक गरेकाे पहिलाे त्रैमास​को वित्तीय विवरण यस प्रकारकाे छ :