शुक्रबार बढ्यो सुनको भाउ, कतिमा हुँदैछ काराेबार ?

लगानी खबर, काठमाडौं – नेपाली बजारमा साताकाे अन्तिम दिन आज (शुक्रबार) सुनकाे मूल्यले उकालाे यात्रा तय गरेकाे छ । 

शुक्रबार सुनकाे मूल्य  ताेलामा ४ सय रूपैयाँले बढेर  प्रतितोला ९४ हजार ५ सय रूपैयाँमा काराेबार भइरहेकाे नेपाल सुनचाँदी व्यवसायी महासंघले जनाएको छ । यस्तै, शुक्रबार तेजावी सुनको मूल्य पनि ताेलाकाे ४ सय रूपैयाँले नै बढेर प्रतिताेला ९४ हजार रुपैयाँ पुगेको छ । 

त्यसैगरी, शुक्रबार चाँदीकाे मूल्य भने स्थिर रही प्रतिताेला एक हजार ३ सय रूपैयाँमा नै काराेबार भइरहेकाे महासंघले बताएकाे छ ।