४९.१७ अंकले बढ्यो शेयर बजार : ३ कम्पनीको शेयरमा सकारात्मक सर्किट

लगानी खबर, काठमाडौँ - आज (बुधबार) शेयर बजारले उकालाे यात्रा तय गरेकाे छ । बुधबार शेयर बजार दाेहाेराे अंकले बढेकाे छ ।

 नेपाल स्टक एक्सचेञ्जका अनुसार बुधबार शेयर कारोबार मापक नेप्से परिसूचक ४९.१७ अंकले बढेर २०६२.०६ मा पुगेकाे छ । नेप्से २.४४ प्रतिशतले बढेकाे हो । यस्तै सेन्सेटिभ परिसूचक भने ८.८६ अंकले बढेर ३९१.३० मा पुगेको छ ।

कूल २०८ वटा कम्पनीकाे ९९ लाख १० हजार ३ कित्ता शेयर खरिदबिक्री हुँदा ४ अर्ब ४४ करोड ६२ लाख २२ हजार ५ सय ७९ रुपैयाँको कारोबार भएकाे नेप्सेले जनाएकाे छ ।

स्टकका अनुसार कारोबार भएका कूल १२ उपसमूहमध्ये आज १० वटा उपसमूहकाे शेयर बढेकाे छ भने बाँकी २ वटा उपसमूहकाे शेयर मात्र घटेकाे छ ।

त्यसैगरी, बुधबार ३ कम्पनीकाे शेयर अर्थात् हिमालयन डिष्टिलरी लिमिटेड, साल्ट ट्रेडिङ्ग कर्पोरेशन लिमिटेड र नागरिक लगानी काेषकाे शेयर सकारात्मक सर्किट लेभलमा कारोबार भएको छ ।

 हेराैं आजकाे शेयर तालिका :