एभरेष्ट बैंकको लाभांश सुरक्षित गर्ने आज अन्तिम दिन

लगानी खबर, काठमाडौँ - एभरेष्ट बैंक लिमिटेडकाे लाभांश सुरक्षित गर्ने आज (पाैष ९ गते, बिहीबार) अन्तिम दिन रहेकाे छ ।

बैंकले साधारण सभा तथा लाभांश वितरण प्रयाेजनका लागि भाेलि पाैष १० गतेदेखि पाैष २७ गतेसम्म बैंककाे बुकक्लोज गर्ने निर्णय गरेको छ । त्यसैले, आज (पाैष ९ गते, बिहीबार) सम्म नेप्सेमा कारोबार भई कायम शेयरधनीहरुले मात्र साधारण सभामा भाग लिन तथा लाभांश प्राप्त गर्न सक्नेछन् ।

बैंककाे मंसिर ३० गते, मंगलबार बसेकाे सञ्चालक समितिकाे बैठकले गरेकाे निर्णय अनुसार बैंककाे २६औं वार्षिक साधारण सभा पाैष २७ गते, साेमबार बैंककाे केन्द्रिय कार्यालय, लाजिम्पाट, काठमाडौंमा बिहान ११ बजेबाट सुरू हुनेछ ।

सभामा बैंककाे कार्तिक १९ गते, बुधबार बसेकाे सञ्चालक समितिकाे बैठकले गरेकाे निर्णय अनुसार आर्थिक वर्ष २०७६/०७७ काे सञ्चित मुनाफाबाट बैंकका शेयरधनीहरूलाई ५ प्रतिशत बोनस शेयर र ५.५३ प्रतिशत नगद (कर प्रयाेजनका लागि) गरी कुल १०.५३ प्रतिशत लाभांश वितरण गर्ने प्रस्ताव पारित गरिनेछ ।