लगानीकर्तामा बढ्यो बैंकको सेयर प्रति आकर्षण;नेप्से ९५.४६  अंकले बढ्यो

लगानीखबर, काठमाडौँ  - साताकाे तेस्रो काराेबार दिन आज (मंगलबार) शेयर बजारले उकालाे यात्रा तय गरेकाे छ । मंगलबार शेयर बजार दाेहाेराे अंकले बढेकाे छ ।

नेपाल स्टक एक्सचेञ्जका अनुसार साेमबार शेयर कारोबार मापक नेप्से परिसूचक ९५.४६  अंकले बढेर २०६१. ४१ मा पुगेकाे छ ।
नेप्से ४.८६ प्रतिशतले बढेकाे हो ।

 सेन्सेटिभ परिसूचक पनि १५.१८  अंकले बढेर ३९१.७४ मा पुगेको छ ।

कूल २०५  वटा कम्पनीकाे एक कराेड २७ लाख १७ हजार १  सय ४६ कित्ता शेयर खरिदबिक्री हुँदा ६ अर्ब ७४ करोड ७  लाख ४४  हजार ४  सय ३२ रुपैयाँको कारोबार भएकाे नेप्सेले जनाएकाे छ ।

स्टकका अनुसार कारोबार भएका कूल १२ उपसमूहमध्ये आज १२ वटा नै उपसमूहकाे शेयर बढेकाे छ। 

आजको सबैभन्दा धेरै कारोबार भएको  टप १० स्टकमा ४ वटा बैंक परेका छन्।   एनआइसी एशिया बैंक, प्रभु,नेपाल, एनसिसिबी बैंक र प्राइम कमर्सेयल बैंक छन्।