भर्खरै आइपिओ ल्याएको जनरल इन्स्योरेन्सको नाफा ३०७ प्रतिशतले बढ्दा चम्किए अधिकांश सूचक (विवरणसहित)

लगानी खबर, काठमाडाैं - जनरल इन्स्योरेन्स कम्पनी लिमिटेडले चालु आर्थिक वर्ष २०७७/७८ को पहिलो त्रैमासको वित्तीय विवरण सार्वजनिक गरेको छ । उक्त विवरण अनुसार कम्पनीकाे नाफासँगै अधिकांश सूचकमा चमक देखिएकाे छ ।

पहिलो त्रैमासमा कम्पनीले २ करोड ३७ लाख ८५ हजार रुपैयाँ खुद नाफा आर्जन गर्न सफल भएकाे छ । उक्त नाफा रकम गत आर्थिक वर्षकाे यसै अवधिकाे तुलनामा ३०७.६२ प्रतिशतले धेरै हाे । गत वर्षको यही अवधीमा कम्पनीले ५८ लाख ३५ हजार रुपैयाँ मात्र खुद नाफा आर्जन गरेकाे थियाे ।

यसैगरी, पहिलो त्रैमासमा कम्पनीले ९ करोड ७५ लाख ४१ हजार रुपैयाँ खुद बिमा शुल्क आम्दानी गरेकाे छ । उक्त रकम गत आर्थिक वर्षकाे तुलनामा २ करोड ७० लाख रुपैयाँले धेरै हाे । गत वर्षकाे यही अवधीमा कम्पनीले ७ करोड ५ लाख ४० हजार रुपैयाँ खुद बिमा शुल्क आर्जन गरेकाे थियाे ।

त्यसैगरी, कम्पनीकाे बिमा कोषको आकार १००.३१ प्रतिशतले बढेर ६ करोड २९ लाख रुपैयाँ पुगेको छ । गत वर्षकाे यही अवधीमा कम्पनीकाे बिमा कोषमा ३ करोड १४ लाख रुपैयाँ थियो । 

त्यस्तै, कम्पनीकाे चुक्ता पूँजी एक अर्ब रुपैयाँ र जगेडा कोषमा ५ करोड ७२ लाख ८६ हजार रुपैयाँ रहेकाे छ । कम्पनीकाे प्रतिशेयर आम्दानी ९ रुपैयाँ ५१ पैसा र प्रतिशेयर नेटवर्थ ११२ रुपैयाँ ६६ पैसा रहेको छ ।

कम्पनीले प्रकाशन गरेकाे वित्तीय विवरण यस प्रकारकाे छ :