शेयर बजारले नयाँ रेकर्ड बनाउँदा के भन्छ नेप्से ?

लगानी खबर, काठमाडौँ - हिजाे (मंसिर ११ गते, बिहीबार) धिताेपत्रकाे दाेश्राे बजारमा नयाँ इतिहास कायम भएकाे छ । बिहीबार नेप्से सूचक र काराेबार रकम दुवैले नयाँ रेकर्ड बनाएका हुन् ।

 नेपाल स्टक एक्सचेञ्जका अनुसार बिहीबार ७ अर्ब ६१ करोड ३० लाख ३० हजार रुपैयाँ बराबरको १ करोड ७१ लाख ८८ हजार ९९ कित्ता शेयर किनबेच भएका छन् । यसैगरी, सम्रग शेयर बजार परिसूचक नेप्से यस दिन १८९३.२४ विन्दु कायम भएको छ । कारोबार रकम तथा बजार परिसूचकका आधारमा धिताेपत्रकाे दाेश्राे बजारमा कायम भएकाे यो नयाँ कीर्तिमान हो । 

यसअघि २०७७ मंसिर ७ गते ६ अर्ब ९० करोड रुपैयाँ बराबरको कारोबार भएको थियो भने २०७३ साल साउन १२ गते बजार परिसूचक नेप्से १८८१.४५ विन्दुमा पुगेकाे थियाे ।

शेयर बजारले रेकर्ड ब्रेक गरेकाे दिन हिजाे बिहीबार कुल २३ हजार ५० जना लगानीकर्ता शेयर काराेबारमा सहभागी भएका नेप्सेले जनाएकाे छ । कुल कारोबारमध्ये ८७.७५ प्रतिशत काराेबार अनलाइनमार्फत भएको पनि नेप्सेले जानकारी गराएकाे छ ।

त्यसैगरी, नेप्सेले कारोबारले रेकर्ड ब्रेक गर्नुमा अनलाइन प्रणाली (नट्स) को सबैभन्दा ठूलो भूमिका रहेको बताएकाे छ । नेप्सेले उपलब्ध गराएको आधुनिक प्रविधिमार्फत लगानीकर्ताले घरबाटै सुरक्षित तबरले सेयर कारोबार गर्न पाएका छन् भने रकम भुक्तानी तथा शेयर हस्तान्तरणमा प्रक्रियामा पनि सहजता आएको नेप्सेकाे भनाइ छ ।

हेर्नुस् के भन्छ नेप्से ?