नेप्से सूचक र कारोबार रकम दुवैले बनाए नयाँ रेकर्ड

लगानी खबर, काठमाडौँ - साताकाे अन्तिम दिन आज (बिहीबार) शेयर बजारले नयाँ इतिहास कायम गरेकाे छ । बिहीबार बजार खुलेकाे केही मिनेटमै नयाँ उचाइमा पुगेकाे हाे । नेप्से सूचकले मात्र नभएर बिहीबार काराेबार रकमले समेत नयाँ रेकर्ड बनाएकाे छ । बिहीबार नेप्से सूचक १९२६ विन्दुसम्म पुगेर फर्किँदा काराेबार रकम ७ अर्ब नाघेकाे छ ।

 नेपाल स्टक एक्सचेञ्जका अनुसार बिहीबार शेयर कारोबार मापक नेप्से परिसूचक १८.४३ अंकले बढेर एक हजार ८९३.२४ मा पुगेकाे छ । नेप्से ०.९८ प्रतिशतले बढेकाे हो । यस्तै सेन्सेटिभ परिसूचक २.८५ अंकले बढेर ३६५.१८ मा पुगेको छ ।

कूल २०१ वटा कम्पनीकाे एक कराेड ७१ लाख ८८ हजार ९९ कित्ता शेयर खरिदबिक्री हुँदा ७ अर्ब ६१ करोड ३० लाख ३० हजार ९१ रुपैयाँको कारोबार भएकाे नेप्सेले जनाएकाे छ ।

त्यसैगरी, स्टकका अनुसार कारोबार भएका कूल १२ उपसमूहमध्ये आज ५ वटा उपसमूहकाे शेयर बढेकाे छ भने बाँकी ७ वटा उपसमूहकाे शेयर घटेकाे छ ।

हेराैँ आजकाे शेयर तालिका :