बुधबार थप १९४८ जनामा कोरोना संक्रमण पुष्टि, उपत्यकामा कति थपिए संक्रमित ?

लगानी खबर, काठमाडौँ - स्वास्थ्य तथा जनसङ्ख्या मन्त्रालयले नेपालमा थप एक हजार ९ सय ४८ जनामा कोरोना भाइरसको संक्रमण पुष्टि भएको जानकारी दिएकाे छ । याे सँगै नेपालमा काेराेना भाइरसबाट संक्रमण हुनेकाे संख्या २ लाख २६ हजार २६ जना पुगेकाे छ । 

मन्त्रालयद्वारा आज आयोजना गरिएको नियमित पत्रकार सम्मेलनमा बाेल्दै मन्त्रालयका प्रवक्ता डा. जागेश्वर गाैतमले पछिल्लो २४ घण्टामा देशका विभिन्न प्रयोगशालामा गरिएकाे परीक्षणमा थप एक हजार ९ सय ४८ जनामा कोरोना भाइरसको संक्रमण पोजेटिभ देखिएको जानकारी दिएका हुन् । जसमध्ये, उपत्यकाका ८ सय ३५ जना रहेका छन् । काठमाडौंका ६३५ जना, ललितपुरका ११३ र भक्तपुरका ८७ जना हुन् ।

त्यसैगरी, बुधबार थप ३ हजार १ सय ४० जना डिस्चार्ज भएका छन् । याे सँगै कुल डिस्चार्ज हुनेको संख्या २ लाख ७ हजार ९ सय ९८ जना पुगेकाे छ ।