शेयर बजारमा ऐतिहासिक रेकर्ड : कारोबार रकम ६ अर्ब नाघ्यो !!

लगानी खबर, काठमाडौँ - साताकाे अन्तिम दिन आज (बिहीबार) शेयर बजारले नयाँ इतिहास कायम गरेकाे छ । बिहीबार कारोबार रकम र नेप्से दुवैमा उछाल देखिएकाे छ ।

नेपाल स्टक एक्सचेञ्जका अनुसार बिहीबार शेयर कारोबार मापक नेप्से परिसूचक ३६.३२ अंकले बढेर एक हजार ७७८.१२ मा पुगेकाे छ । नेप्से २.०८ प्रतिशतले बढेकाे हो । यस्तै सेन्सेटिभ परिसूचक ४.९८ अंकले बढेर ३४३.०७ मा पुगेको छ ।

कूल १९८ वटा कम्पनीकाे एक कराेड ४० लाख ६२ हजार ५ सय ७ कित्ता शेयर खरिदबिक्री हुँदा ६ अर्ब ११ करोड ६७ लाख ३० हजार ७१ रुपैयाँको कारोबार भएकाे नेप्सेले जनाएकाे छ ।

त्यसैगरी, स्टकका अनुसार कारोबार भएका कूल १२ उपसमूहमध्ये बिहीबार सबै उपसमूहकाे शेयर बढेकाे छ ।

 हेराैं आजकाे शेयर तालिका :